Gold silver Price Today : బంగారం కొనుగోలు చేసేందుకు సిద్ధమవుతున్న వారికి శుభవార్త. గోల్డ్ రేటు దిగొస్తోంది. రెండు రోజులు ధరలు భారీగా తగ్గాయి.
శనివారం ఉదయం నమోదైన వివరాల ప్రకారం.. 10గ్రాముల 24 క్యారట్ల బంగారంపై రూ.430 తగ్గగా.. 22 క్యారెట్ల బంగారంపై రూ.400 తగ్గింది. అంతర్జాతీయ మార్కెట్లోనూ గోల్డ్ రేటు తగ్గింది. ఔన్సు గోల్డ్ పై రూ.27డాలర్లు తగ్గింది. దీంతో ప్రస్తుతం అక్కడ ఔన్స్ గోల్డ్ 4,516 డాలర్ల వద్ద కొనసాగుతోంది.
వెండి ధర స్థిరంగా కొనసాగుతోంది. కిలో వెండిపై శుక్రవారం రూ.5వేలు తగ్గగా.. ఇవాళ వెండి ధరలో ఎలాంటి మార్పులు చోటు చేసుకోలేదు. స్థిరంగా కొనసాగుతోంది.
తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో జీఎస్టీ సహా అన్ని ఛార్జీలను కలుపుకొని 10గ్రాముల 24క్యారెట్ల బంగారం ధర రూ.1,83,492 వద్దకు చేరగా.. 22క్యారట్ల 10గ్రాముల బంగారం రూ.1,68,195 వద్దకు చేరింది.
దేశంలోని ప్రధాన నగరాల్లో బంగారం ధరలను (జీఎస్టీతో సహా అన్ని ఛార్జీలు కలుపుకొని) పరిశీలిస్తే.. దేశ రాజధాని ఢిల్లీలో 10గ్రాముల 24క్యారట్ల బంగారం ధర రూ.1,83,665 కాగా.. 22 క్యారట్ల బంగారం ధర రూ.1,68,368 వద్ద కొనసాగుతోంది. ముంబై, కోల్కతా, చెన్నై నగరాల్లో 10గ్రాముల 24క్యారట్ల బంగారం ధర రూ.1,83,492కు చేరగా.. 22క్యారట్ల బంగారం రూ.1,68,195 వద్ద కొనసాగుతుంది.
వెండి ధరలను పరిశీలిస్తే.. ఉదయం నమోదైన వివరాల ప్రకారం.. హైదరాబాద్, విజయవాడ, విశాఖపట్టణంలో కిలో వెండి ధర రూ.2,95,000 వద్దకు చేరింది. ఢిల్లీ, ముంబయి, బెంగళూరు నగరాల్లో ప్రస్తుతం కిలో వెండి రేటు రూ.2,85,000 వద్ద కొనసాగుతోంది. చెన్నైలో కిలో వెండి రేటు రూ.2,95,000 వద్దకు చేరింది.
గమనిక : పైన పేర్కొన్న ధరలు ఉదయం మార్కెట్ ప్రారంభంలో ఉన్నవి మాత్రమే. ఈ గోల్డ్, సిల్వర్ రేట్లు మారుతూ ఉంటాయి. గమనించగలరు.